心得分享

花膠防蟲法
新水花膠(特別係冇處理過原色膠),好多時都唔係足乾,又有機會有蟲卵痴係上面,如果買左之後唔理佢就放埋一邊,好多時會不知不覺間比蟲蛀左,浪費左件靚花膠……

其實花膠防蟲好簡單,人人都做得到,只要返到屋企將袋花膠直接放入雪櫃既冰箱,雪3日,之後攞番出來,先唔好開袋,由佢慢慢變番室溫,之後打開膠袋,將花膠轉去一個網袋,吊係通風位置吹到乾透就可以啦!




浸發花膠 (焗熱水方法)
先將花膠秤重,之後浸室溫清水幾個鐘,吸水變軟後放入大熱水焗至水涼,觀察一下件膠既重量增幅,如果未夠3.5-4倍,重複焗多次水,直至發頭有3.5-4倍為止。










浸發花膠 (浸冷水方法)
早年浸發 ‪#‎花膠‬,大多數朋友都係用傳統焗熱薑水方法,這方法可以話係"快靚正",唯一一個壞處就係"走膠"(即係部份膠質流失在熱水中),舊時花膠平,走少少無所謂,不過現在貴了很多,為左要食得精明,就有人創出冷水發花膠⋯

1. 浸發海味,先要記得一個天條,就是要找個清潔乾淨的容器,不能有任何污穢,因為這會引致細菌生長(尤其是夏天),浸發的海味會有很大機會變壞,除左浪費金錢,亦浪費一番心機;

2. 首先,我們將花膠放清水浸泡,時間視乎花膠大小,由一至數小時都有,如果係細小的(例如圖中70頭的 ‪#‎非洲鱸魚膠‬),只需要浸一小時就可以啦;

3. 之後將花膠隔水蒸,時間又係視乎大小丶品種,由兩三分鐘至三十分鐘都有,蒸完後用手感覺一下花膠硬度,如果仲係太硬,可重複再蒸;如果已變軟,就唔好再蒸啦,因為過份加熱會令到膠質纖維變得鬆散;

4. 當完成蒸發程序後,將花膠放入清水,之後再放入雪櫃,如果係細小的花膠,浸一晩就有四倍 ‪#‎發頭‬ 了,如果係大隻的,就要浸三至五日;
5. 完成之後,大家可以用手試一試果盤浸膠水,你會發覺完全唔粘手,咁就足以證明冇走膠啦。